Ջասթին Բիբերը կարծում է, որ իր նախկին բիզնես մենեջերներից ոմանք չափազանց անարդյունավետ են եղել իր փողերը տնօրինելու հարցում։ Երաժիշտը մտածել է դատարան դիմելու մասին:
Իրազեկ աղբյուրները հայտնել են TMZ-ին, որ երգիչը շատ է վրդովվել՝ իմանալով, որ իր բիզնեսի մենեջերների կայացրած որոշումների արդյունքում կորցրել է հազարավոր դոլարներ: Այժմ, Ջասթին Բիբերը վստահ է, որ շատ ուշ է, որ նրանք ներողություն խնդրեն իրենից։
Արտիստը հստակ չգիտի, թե որքան գումար է վատնվել, սակայն պնդում է, որ դա հսկայական գումար է։ Ըստ առկա տեղեկությունների՝ նրա թիմն այժմ պառակտված է։
Ի դեպ, Ջասթին Բիբերն այժմ ֆինանսական դժվարություններ չունի։ Նա վաճառել է իր երաժշտական կատալոգը 2023 թվականի հունվարին 200 միլիոն դոլարով, իսկ մինչ վաճառքը, ըստ լրատվամիջոցների, նրա կարողությունը կազմում էր մոտ 100 միլիոն դոլար։
