Քրիս Ջենները Քորթնի Քարդաշյանի որդուն նվիրել է Սիլվեստր Ստալոնեի ձեռագիր նամակը նրա առաջին ծննդյան կապակցությամբ։ Այս մասին ընտանիքի երկրպագուներն իմացել են ընտանիքի սոցիալական ցանցերից։ 68-ամյա տատիկն առաջին հերթին ուրախացրել է թոռան ծնողներին, քանի որ տղան ընդամենը մեկ տարեկան է, և նա դեռ չի կարող գնահատել նվերի արժեքը։
«Հարգելի Ռոքի, իմ անունը նույնպես Ռոքի է: Ձեր անունը շատ յուրահատուկ է և կապված է գեղեցիկ բաների հետ: Կյանքը ձեզ շատ մարտահրավերներ է նետում. քեզ հարկավոր կլինի նվիրում և վճռականություն ցուցաբերել: Երբեք չպետք է հրաժարվես քո երազանքներից։ Երբեք! Այժմ ամենակարևորն այն է, որ դու միշտ պետք է ավելի շատ գնահատես ընտանիքը, ընկերությունը և հավատարմությունը, քան փառքն ու հարստությունը»:- գրել է 78-ամյա Սիլվեստրը:
Հիշեցնենք, որ Քորթնի Քարդաշյանն ու Թրևիս Բարքերն անցյալ տարի են որդի ունեցել։ Տղայի անունը նրան տվել է հայրը. «Ռոքի Ջորջը կիթառ է նվագել Suicidal Tendencies խմբում: Իսկ 13-ը պարզապես ամենաթեժ թիվն է: Իսկ «Ռոքին» բռնցքամարտի բոլոր ժամանակների մեծագույն ֆիլմն է»,- գրել էր արտիստը։
