Բրիտանացի արտիստ Քրեյգ Դեյվիդը Երևանում կներկայացնի իր հանրահայտ TS5 շոուն, որով նա հանդես է եկել աշխարհի խոշոր դահլիճներում:
Համերգի ընթացքում Քրեյգ Դեյվիդը կկատարի 7 Days, Fill Me In, Walking Away հիթերը՝ զուգակցված DJ ռեմիքսներով։
Երեկոյի ընթացքում հանդես կգան նաև DJ Smoke-ը, D’ Litte-ը և LEAH-ը:
Համերգը տեղի կունենա դեկտեմբերի 2-ին՝ Կարեն Դեմիրճյանի անվան մարզահամերգային համալիրում: Այն կազմակերպվում է «Հայա» փառատոնի կողմից, որի շրջանակում Երևանում արդեն ելույթ են ունեցել Zaz-ը, 50 Cent-ը, Led Zeppelin Symphonic-ը և Հաուսերը։
