Նորաձևության դիզայներ Բրիանա Բոնգոլանը պնդում է, որ երաժշտական մագնատը ժամանակին իրեն անվանել է «սատանա» և 2016 թվականին ցանկացել է իրեն շպրտել պատշգամբից: Կոմբսը հերքել է նրա պնդումները: Այս մասին հայտնել է Rolling Stone-ը։
Մի կին դատի է տվել Շոն «Դիդի» Կոմբսին, իբր նրան սպառնալու և 17-րդ հարկի պատշգամբից «ցած նետելու» համար, ըստ դատական փաստաթղթերի։ Հայցում Փի Դիդին մեղադրվում է սեռական ոտնձգության, հուզական անհանգստություն պատճառելու և ազատությունից զրկելու մեջ: Նորաձևության դիզայները 10 միլիոն դոլարի փոխհատուցում է պահանջել երկարատև հուզական անհանգստության համար, որը նա կրել է:
Բոնգոլանը պնդում է, որ ինքը ականատես է եղել Կոմբսի և նրա ընկերուհու՝ Կասանդրա Վենտուրայի միջև բռնության բազմաթիվ դեպքերի, նախքան արտիստը սկսել է վախեցնել և սպառնալ իրեն: Ամեն ինչ իր ավարտին է հասել 2016 թվականի սեպտեմբերի մի գիշեր, երբ Շոնն իբր կախել էր Բրիաննային պատշգամբից՝ բղավելով նրա վրա:
