Ռեժիսոր Շոն Բեյքերի «Anora» ֆիլմը «Անկախ ոգի» (Independent Spirit Awards) անկախ կինոյի 40-րդ մրցանակաբաշխությունում ներկայացված անվանակարգերի քանակով առաջատար է դարձել։ Այն ներկայացված է վեց կատեգորիաներում։
kulturomania.ru-ի հաղորդմամբ, «Լավագույն ֆիլմ»-ի կոչման համար «Anora»-ն կպայքարի 4 ֆիլմերի հետ։
«Anora» ֆիլմը ներկայացված է նաև լավագույն ռեժիսոր, գլխավոր դերակատար (Մայքի Մեդիսոն), երկրորդ պլանի դերասան (Յուրի Բորիսով և Կարեն Կարագուլյան) և այլ անվանակարգերում։
իլմի գլխավոր դերերում նաև հայ դերասան կա՝ Կարեն Կարագուլյանը։ Դերասանական կազմում ընդգրկված են Մայքի Մեդիսոնը, Մարկ Էյդելշտեյնը և Յուրի Բորիսովը։ Եվս մեկ հայ դերասան, հումորիստ Վաչե Թովմասյանը խաղացել է ֆիլմում։
Անորան՝ Բրուքլինի սեքս ոլորտի աշխատակից է։ Նա կարող է Մոխրոտի բախտին արժանանալ, քանի որ հանդիպում է ռուս օլիգարխի որդուն ու ամուսնանում։ Բայց երբ լուրը հասնում է Ռուսաստան, նրա հեքիաթը հայտնվում է սպառնալիքի ներքո, քանի որ տղայի ծնողները ժամանում են Նյու Յորք՝ ամուսնությունը չեղյալ հայտարարելու համար:
Ի դեպ, Մանհեթեն ստրիպտիզ ակումբում աշխատող Անորան նախընտրում է, որ իրեն Անի կոչեն, նաև մի քիչ ռուսերեն գիտի, որ սովորել է տատիկից։
Անմեղ, առատաձեռն Իվանը տարբերվում է Անիի մյուս հաճախորդներից, որոնց մեծ մասը նրա հոր տարիքին են և հաճախ էլ ասում են՝ «դու նման ես իմ 18-ամյա դստերը»: Իվանից ընդամենը երկու տարով մեծ Անին բռնում է նրա ձեռքն ու տանում առանձնասենյակ։ Անիի՝ Իվանին ասած խոսքերն էլ դառնում են ֆիլմի գլխավոր թեման։
«Anora» ֆիլմն արժանացել է Կաննի կինոփառատոնի գլխավոր «Ոսկե արմավենի» մրցանակին:
«Anora» ֆիլմը համարվում է ֆավորիտ է նաև «Օսկարի» համար պայքարում։
Աղբյուր` Panorama.am
