«Անդոյի հետ կռված չենք, ջղայնացած չենք, բայց մենք էլ ենք մարդ, մարդ ու կին էլ են բաժանվում, նորմալ է: Ինչ-որ մի բանում իրար չենք հասկացել, թե ինչ հարցի շուրջ, չեմ կարող ասել, դա իմ ու Անդոյի թեման է: Սա այն թեման չէ, որի մասին կարելի է անընդհատ խոսել:
Մեր մեջ նեղացվածություն չկա, ես իմ խղճի առաջ շատ մաքուր եմ, ինձ ճանաչող մարդիկ ու իմ կոլեգաներն էլ դրա մասին շատ լավ գիտեն:
Ես չարացած չեմ ոչ մեկի հանդեպ, նեղացած չեմ ոչ մեկից, ես մեծ մարդ եմ, կայացած մարդ եմ, վիրավորանքներ ու «խռով պահել» նման բաներ չունեմ: Վաղը չես կարող ասել ինչ կլինի, ամեն դեպքում, երբ տեսնում ենք իրար փողոցում արհամարհական չենք անցնում, բարևում ենք, հարցնում՝ ոնց ես, անցնում առաջ»,- 24News-ի եթերում՝ անդրադառնալով իր և Անդրանիկ Հարությունյանի հարաբերություններին, ասել է դերասան Ռաֆայել Երանոսյանը: Հայտնել է Tert.am-ը:
