Բրեդ Փիթի երկար ու դաժան ամուսնալուծությունը Անջելինա Ջոլիից շատ բան սովորեցրեց նրան։ Մասնավորապես, նա Ինես դե Ռամոնի առաջ խիստ պայման է դրել սեփականության հետ կապված։
Աստղերին մոտ կանգնած աղբյուրները պնդում են, որ Փիթը պահանջում է, որ Ինեսը նախամուսնական պայմանագիր ստորագրի։ Աղջկա կատեգորիկ մերժումը վտանգի տակ է դրել նրանց հնարավոր ամուսնությունը։
«Ինեսը չի ցանկանում ամբողջությամբ զոհաբերել իր իրավունքները։ Երկուսի համար էլ դա հուզիչ թեմա է դարձել։ Ինեսը ցանկանում է ամուսնանալ Բրեդի հետ, բայց այդ քայլին դիմելը, առանց վստահ լինելու, որ նա պաշտպանված կլինի, այնքան էլ գրավիչ չէ: Թեև նա հասկանում է, որ Բրեդն անցել է Անջելինայի հետ ունեցած բոլոր դժվարությունների միջով, Ինեսն անարդար է համարում, որ նա պետք է վճարի դրա համար»,- In Touch Weekly-ին ասել է աղբյուրը:
Բրեդ Փիթը նախամուսնական պայմանագիր է կնքել Անջելինա Ջոլիի հետ դեռևս 2014 թվականին, բայց նույնիսկ դա նրան ամբողջությամբ չի պաշտպանել դատական վեճերից, քանի որ պայմանագրում ոչ բոլոր գույքն է նշված եղել։ Մասնավորապես, տխրահռչակ Chateau Miraval-ը. ուստի դերասանը մտադիր չէ համոզել Ինեսին, որ մտափոխվի։ Նա պարզապես որոշել է դադարեցնել ամուսնության մասին ցանկացած խոսակցություն։
Ամանորից մի քանի օր առաջ Անջելինա Ջոլին և Բրեդ Փիթը պաշտոնապես ամուսնալուծվեցին ութ տարվա դատական գործընթացներից հետո։
