Լոս Անջելեսում տեղի ունեցավ «Գրեմմի» մրցանակաբաշխության 67-րդ արարողությունը, որտեղ մեծարվել են նախորդ տարվա գլխավոր երաժշտական նվաճումները։ Այսպես, հերթական անգամ առանց բաղձալի արձանիկի չի մնացել նաև Բեյոնսեն, նա հաղթող է դարձել «Տարվա լավագույն ալբոմ» և «Տարվա լավագույն քանթրի ալբոմ» անվանակարգերում՝ Cowboy Carter ձայնասկավառակի համար:
Երգչուհին ավանդաբար բաց է թողել կարմիր գորգը, սակայն մենք կարողացել ենք նրա կերպարը տեսնել հենց արարողության ժամանակ։ Բեյոնսեն ներկայացել է Schiaparelli-ի ոսկեգույն զգեստով, որը հատուկ նրա համար ստեղծել է նորաձեւության տունը։ Ճիշտ է, այն հուսախաբ է արել աստղին ամենապատասխանատու պահին։ Կրծկալի երկաթները պատռել են գործվածքը և բառացիորեն խրվել Բեյոնսեի մաշկի մեջ։
