Ով է հավակնում «Հարրի Փոթերի» սերիալում Դամբլդորի դերին

Ջոն Լիթգոուն, ով հայտնի է «Դեքստեր» հեռուստասերիալում մարդասպանի դերով, վերջնական բանակցություններ է վարում HBO-ի հետ՝ Հարրի Փոթերի մասին նոր նախագծում Ալբուս Դամբլդորին մարմնավորելու համար։ Այս մասին հայտնում է Deadline-ը։

Փրկված տղայի մասին վիպաշարի կինոադապտացիան արտադրող ընկերության ներկայացուցիչը չի հաստատել կամ հերքել այս տեղեկությունը։ «Մենք հասկանում ենք, որ նման աղմկահարույց սերիալը շատ խոսակցությունների և շահարկումների տեղիք կտա։ Քանի դեռ նախաարտադրական փուլում ենք, մանրամասները կհաստատենք միայն գործարքների կնքումից հետո»,- կիսվել է նա։

Ի դեպ, ավելի վաղ հաղորդվում էր, որ Կիլիան Մերֆին կարող է սերիալում մարմնավորել պրոֆեսոր Քվիրելին՝ Հարրի Փոթերի մասին առաջին գրքի գլխավոր հակառակորդին։ Ենթադրվում էր նաև, որ նա կմարմնավորի Վոլդեմորին նոր ֆիլմի ադապտացիայում, սակայն լուրերը չհաստատվեցին։