58-ամյա դերասանը հանգստանում է 28-ամյա սիրելիի հետ։ Վենսան Կասելին և Նարա Բապտիստային ֆիքսել են պապարացիները Բրազիլիայի լողափերից մեկում։ Հայտնում է FastNews.am-ը:
Ֆրանսիացի դերասանը հանգստանում է ընտրյալի հայրենիքում: Սա զույգի առաջին հրապարակային հայտնվելն է երեխայի ծնվելուց հետո։ Հունվարին Կասելը չորրորդ անգամ հայր դարձավ։ Բրազիլական արմատներով ավստրալացի մոդելը տղա է ունեցել. նրան անվանել են Կաետանո։
Բապտիստան հիանալի մարզավիճակում է ծննդաբերությունից ընդամենը ութ շաբաթ անց: Նա ցուցադրել է իր բարեկազմ մարմինը՝ հարթ որովայնով։
Վենսանը հագել է սև լողազգեստ․ դերասանը նույնպես լավ մարզավիճակում է։ Երիտասարդ զուգընկերը պարտավորեցնում է պահպանել կազմվածքը։ Զույգը օվկիանոսում լողալուց հետո գոհ հայացքով դուրս է եկել ափ: Դերասանին արձակուրդի ժամանակ միացել է նրա կրտսեր դուստրը՝ 14-ամյա դուստր Լեոնին՝ Մոնիկա Բելուչիի հետ ամուսնությունից։ Դեռահաս աղջիկն արևայրուք է ընդունել ավազի վրա, մինչ հայրն ու խորթ մայրը լողում էին։
