Քիմ Քարդաշյանը զայրացած է, որ իր նախկին ամուսինը՝ Քանյե Ուեսթը, փորձել է իրենց 11-ամյա դստերը՝ Նորթին ներքաշել Փի Դիդդիի շուրջ կոնֆլիկտի մեջ։ Գործարարուհին դատական հայց է ներկայացրել նրա դեմ, հայտնում է Daily Mail-ը։
Ընտանեկան ռեալիթի շոուի աստղը վրդովված է, որ իր դստեր հայրը Նորթին թույլ է տվել ձայնագրել մի թրեք, որտեղ ներկայացված են Փի Դիդին և նրա որդի Քրիստիանը: Քիմը հայց է ներկայացրել Lonely Roads Still Go to Sunshine թրեքի անոնսից հետո։ Երգը սկսվում է նրանով, որ բանտում գտնվող Դիդին շնորհակալություն է հայտնում Քանյեին դժվար պահերին իրեն աջակցելու համար, իսկ ավելի ուշ Նորթը քառատող է կարդում փայլի և լույսի մասին։
Հրապարակման ինսայդերները նշում են, որ Քիմն արդեն դիմել է դատարան՝ թրեքի տարածումը կանխելու և այն ամբողջությամբ հեռացնելու համար։
Հիշեցնենք, որ Քիմ Քարդաշյանն ու Քանյե Ուեսթը մեծացնում են չորս երեխաների՝ 11-ամյա Նորթին, 9-ամյա Սեյնթին, 6-ամյա Չիկագոյին և 5 տարեկան Փսալմին։ Նախկին ամուսինները ամուսնացած էին 2014 թվականից, սակայն նրանց սիրո պատմությունն ավարտվեց 2022 թվականին։
