«Տիտանիկ» ֆիլմի աստղը հաջողությամբ համատեղում է կարիերան ու ընտանիքը։ Քեյթը երեք երեխա է մեծացնում տարբեր ամուսնություններից։ Նրա 21-ամյա որդին՝ Ջո Անդերսը, որը ծնվել է ռեժիսոր Սեմ Մենդեսի հետ դերասանուհու միությունից, իրեն փորձում է կինոաշխարհում։ Երիտասարդը գրել է սցենար, որը հանգեցրել է «Ցտեսություն հունիս» անունով ֆիլմի նկարահանմանը։ Ուինսլեթը ֆիլմի ռեժիսորն է և գլխավոր դերում է։ Հայտնում է Fastnews.am-ը:
Ընտանեկան դրաման պատմում է եղբայրների ու քույրերի մասին, որոնք երկար տարիներ չեն շփվել։ Ինչ-որ պահի տեղի են ունենում անսպասելի ու դժվարին իրադարձություններ, որոնց պատճառով ընտանիքի անդամները ստիպված են լինում վերամիավորվել։ Ֆիլմում ներկայացված է աստղային դերասանական կազմ. Ուինսլեթը խաղում է Թոնի Կոլետիի, Անդրեա Ռայզբորոուի, Հելեն Միրենի և այլոց կողքին:
Դերասանուհին պատմել է, որ աստիճանաբար եկել է նոր դերում իրեն փորձելու գաղափարին։ Նա ցանկանում է փոխել Հոլիվուդի մշակույթը, որտեղ միշտ եղել է տղամարդկանց գերիշխանությունը: Երբ Ուինսլեթը դերասանական մեծ փորձ ձեռք բերեց, նա հասկացավ, որ կարող է ստեղծել իր սեփական աշխատանքը։
Բազմազավակ մայրը բացատրել է, որ սկսել է ռեժիսոր աշխատել, քանի որ իր երեխաները մեծացել են։ Նախկինում նա չէր կարող իրեն թույլ տալ դա, քանի որ զբաղված էր իր ժառանգներին մեծացնելով։
