«Շատ ինտենսիվ պատրաստվում ենք, հիմա բեմադրության վրա ենք աշխատում, ուզում ենք, որ մաքսիմալ էֆեկտներով հագեցած ելույթ լինի: Համարյա ամեն օր գնում եմ մարզասրահ ու վոկալի դասերի»,- խոսելով «Եվրատեսիլ» երգի մրցույթի նախապատրաստական ընթացքի մասին՝ Առաջին ալիքի եթերում պատմել է Հայաստանի պատվիրակ Պարգը: Գրում է Tert.am-ը:
Նրա խոսքով՝ այն բեմադրությունը, որը հանդիսատեստը տեսել է Կարեն Դեմիրճյանի անվան մարզահամերգային համալիրում, «Եվրատեսիլ»-ում դա չի տեսնելու:
«Լրիվ այլ բեմադրություն է լինելու: Բեմում ավելի շատ մենակ եմ լինելու: Շատ ակտիվ շարժումներ են լինելու ու կարևոր է նաև ֆիզիկական պատրաստվածությունը»,- նշել է երգիչը:
Խոսելով մրցույթին հոգեպես պատրաստ լինելու մասին, Պարգը նշել է, որ այդ հարցում իրեն շատ է օգնում կինը:
Երգիչը ընդծել է, որ «Եվրատեսիլ» երգի մրցույթը միշտ եղել է անկանխատեսելի, ուստի դժվարանում է կանխատեսւմներ անել:
«Մյուս երկրների երգերից շատերը լսել եմ, ունեմ իմ ֆավորիտները՝ Ավստրիայի, Ֆրանսիայի և Պորտուգալիայի երգերն են»:
