Ամերիկացի դերասան Ռոբերտ դե Նիրոն Կաննի 78-րդ կինոփառատոնում ստացել է «Ոսկե արմավենու ճյուղ» մրցանակը։ Այս մասին հայտնում է Variety-ն։ Կինոյում ունեցած ընդհանուր ավանդի համար մրցանակը դերասանին հանձնել է մեկ այլ կինոաստղ՝ Լեոնարդո դի Կապրիոն, որը Դե Նիրոյի հետ նկարահանվել է մի շարք ֆիլմերում:
Մրցանակաբաշխության ընթացքում իր ելույթի ժամանակ Ռոբերտ դե Նիրոն քննադատել է ԱՄՆ նախագահ Դոնալդ Թրամփին և արտասահմանում արտադրված ցանկացած ֆիլմի համար մաքսատուրքեր սահմանելու նրա առաջարկը, հայտնում է Reuters-ը։
Կաննի կինոփառատոնից մեկ շաբաթ առաջ Թրամփը հայտարարել է արտասահմանում նկարահանված բոլոր ֆիլմերի համար 100% մաքսատուրքեր սահմանելու մտադրության մասին։ Ամերիկացի առաջնորդն ասել է, որ իր նպատակն է վերադարձնել կինոարտադրությունն ԱՄՆ։ Variety-ն նշում է, որ Թրամփը ավելի ուշ ասել է, որ վերջնական որոշումներ չեն կայացվել, և պատրաստակամություն է հայտնել հանդիպել ստուդիաների ղեկավարների հետ:
