Հայաստանի կոմպոզիտորների միության անդամ, կոմպոզիտոր Շուշան Սարգսյանը՝ իր ֆիլմի երաժշտությամբ մասնակցել է Կաննի 78-րդ միջազգային կինոփառատոնին: Նա նաև «Marche du Film»-ի շրջանակում կազմակերպված մասնագիտական հանդիպումներին ներկայացրել է իր երաժշտությունը։
Շուշան Սարգսյանը գրել է. «Այս տարի ևս մասնակցում եմ Կաննի 78-րդ միջազգային կինոփառատոնին։ Փառատոնին ներկայացվեց իմ երաժշտությամբ ֆիլմ։
Մասնակցեցի նաև «Marche du Film»-ի շրջանակում կազմակերպված մասնագիտական հանդիպումներին՝ ներկայացնելով իմ երաժշտությունը։
Ի մեծ պատիվ ինձ՝ Կարմիր գորգով անցա հատուկ ինձ համար կարված «Կոմիտասյան մանուշակներ» անվանումը կրող զգեստով։ Զգեստի հեղինակն ու նախշազարդողը Լուսինե Մովսիսյանն է (Լուսնէ Արտ), ով ոգեշնչվել էր Կոմիտասի ջրամանների նախշազարդերից։ Հատուկ շնորհակալություն եմ հայտնում նաև
դիզայներ Նինա Սարկիսյանցին զգեստը կարելու համար և
նկարիչ, ոճաբան Արմինե Գևորգյանին՝ օգտակար խորհրդատվության համար։
Անսահման տպավորիչ զգեստը հմայչորեն փոխանցում էր հայկական մշակույթի խորությունն ու նրբագեղությունը։
Շնորհակալ եմ բոլոր գործընկերներիս այս գեղեցիկ ճանապարհը միասին անցնելու համար»։
Աղբյուրը`Panorama.am
