Քվենտին Տարանտինոյի ո՞ր ֆիլմն է լավագույնը։ Սա կինեմատոգրաֆիայի ամենավիճելի թեմաներից մեկն է:
The Guardian-ի փոխանցմամբ, ռեժիսորը վերջապես իր կարծիքն է հայտնել՝ միաժամանակ կիսվելով իր իսկ նախընտրած ֆիլմով և այն մասին, թե իր ֆիլմերից որի «ստեղծման համար է ծնվել»։
«The Church of Tarantino» փոդքասթում ելույթի ընթացքում 62-ամյա կինոռեժիսորն ասել է, որ Երկրորդ համաշխարհային պատերազմի մասին ներկայացնող «Անփառունակ սրիկաները»՝ 2009 թվականին արտադրված դրաման, իր ինը ֆիլմերից լավագույնն է, մինչդեռ 2019 թվականի «Մի անգամ Հոլիվուդում» ֆիլմը՝ իր սիրելին։
«Բայց ես կարծում եմ, որ «Սպանել Բիլին»-ը Քվենտինի լավագույն ֆիլմն է, այնպիսին, ինչպիսին ուրիշ ոչ ոք չէր կարող նկարահանել», – հավելել է նա իր երկմասանոց մարտական թրիլերի մասին։ «Դրա յուրաքանչյուր ասպեկտը այնքան յուրահատուկ է կերտված, ինչպես շոշափուկները և արյան հյուսվածքները, որոնք ծնվել են իմ երևակայությունից, իմ անհատականությունից, իմ սիրուց, իմ կրքից և իմ մոլուցքից։
«Այսպիսով, կարծում եմ, որ «Սպանել Բիլին» ֆիլմն է, որի համար ես ծնվել եմ, «Անփառունակ սրիկաները» իմ գլուխգործոցն է, բայց «Մի անգամ Հոլիվուդում» ֆիլմն իմ սիրելին է»,-ասել է նա։
Աղբյուրը` Panorama.am
