Բելլա Հադիդը Ինստագրամում հայտնել է, որ տառապում է Լայմի հիվանդությամբ, որի պատճառով ժամանակավորապես անհետացել է հանրության աչքից։ 28-ամյա սուպերմոդելը լուսանկարների շարք է հրապարակել, որոնց մեծ մասը կաթիլային ներարկումների ժամանակ է։ «Կներեք, որ այդքան շատ բացակայում եմ։ Ես ձեզ սիրում եմ», – գրել է նա իր հետևորդներին։
Երկրպագուները իրենց աջակցությունն են հայտնել մեկնաբանություններում. «Շուտ ապաքինվիր, հրեշտակ, և վերադարձիր ավելի ուժեղ», «Խնամքդ պահպանիր և շուտ ապաքինվիր, աշխարհը սպասում է Բելլա Հադիդին» և «Մնա ուժեղ»։ Մոդելի քույրը՝ Ջիջին, հավելել է. «Ես սիրում եմ քեզ։ Հուսով եմ՝ շուտով ավելի լավ կզգաս, դու արժանի ես դրան»։
