Քարդի Բին կրկին ապացուցեց, որ կարողանում է զարմացնել. ծննդաբերությունից հետո ռեփերը իր երեխայի պորտալարը վերածել է յուրօրինակ զարդի։
Կարևոր իրադարձության հիշողությունը պահպանելու համար արտիստը դիմել է Mommy Made Encapsulation ընկերությանը, որը մասնագիտացած է նորածինների պորտալարերից հուշանվերներ պատրաստելու մեջ։ Ընկերության կայքում մանրամասն նկարագրված է արտադրական գործընթացը։ Սկզբում մասնագետները զգուշորեն չորացնում են պորտալարը, տալիս ցանկալի ձև, ապա պատում են այն ոսկեգույն հատուկ ծածկույթով։ Արդյունքում ստացված հուշանվերը դառնում է մոր և երեխայի միջև կապի յուրօրինակ խորհրդանիշ։ Քարդի Բիի այժմ ունեցած իրը իսկապես զարմանալի է. պորտալարը չորացված է սրտի տեսքով և պատված է ոսկե քրոմով։
Ընկերությունը օգտվել է առիթից՝ ցուցադրելու իր աշխատանքը և Mommy Made Encapsulation-ի սոցիալական ցանցերի էջում հրապարակել է զարդերի պատրաստման գործընթացի լուսանկարը։ Վարդագույն ձեռնոցով ձեռքի լուսանկարները, որը զգուշորեն բռնել էր պատրաստի ոսկե սիրտը, արագ տարածվել է՝ առաջացնելով բուռն քննարկումներ աստղի երկրպագուների շրջանում։
