Ստամբուլի Բաքըրքյոյ շրջանի գլխավոր դատախազությունը թմրանյութերի օգտագործումը հեշտացնելու և դրա համար տարածք տրամադրելու կասկածանքով 18 անձի ձերբակալելու որոշում է կայացրել։ Նրանց թվում են դերասաններ, երգիչներ, գործարարներ և սոցիալական ցանցերի հայտնի դեմքեր։ Գրում է Radar-ը:
Գլխավոր դատախազության հաղորդմամբ՝ ձեռք են բերվել կոնկրետ ապացույցներ, որոնք հիմք են տվել կասկածելու` որոշ անձինք օգտագործել են թմրամիջոցներ և խթանիչներ, ինչպես նաև տարածք են տրամադրել դրանց օգտագործման համար: Նախատեսվում են ձերբակալություններ, բնակարանների և աշխատավայրերի խուզարկություններ, ինչպես նաև կենսաբանական փորձաքննություններ։
Ձերբակալման որոշում կայացված անձանց թվում են դերասաններ Արաս Բուլութ Իյնեմլին, Մելիս Սեզենը, Նիլփերի Շահինքայան, երգիչ Սեֆոն (Սեյֆուլլահ Սաղըր) և այլ հայտնի դեմքեր։
