Ռուսաստանում Մարոկկոյի դեսպան Լոթֆի Բուշաարան իր հանդերձանքով զվարճացրել է ՌԴ նախագահ Վլադիմիր Պուտինին, հայտնում է apostrophe.ua կայքը:
Վլադիմիր Պուտինը Կրեմլի Մեծ պալատի Ալեքսանդրովյան սրահում օտարերկրյա 23 դեսպաններից հավատարմագրեր է ընդունել:
Դեսպանների շարքում է եղել նաև Մարոկկոյի ներկայացուցիչը, որը միջոցառմանն է եկել իր երկրի ավանդական հագուստով` սպիտակ ջելաբայով` սրածայր գլխարկով երկարափեշ ազատ խալաթով: Հավատարմագիրը դիվանագետից ստանալիս Պուտինը լայն ժպտացել է, ինչպես լրատվականներն են նշում, ավելի լայն, քան սովորական դեպքերում:
Համացանցային օգտատերերը տեսանյութը դիտելուց հետո սկսել են կատակներ անել դեսպանի հագուստի վերաբերյալ, լրագրողներից մեկն էլ իր հերթին թելեգրամյան ալիքում կատակել է, թե մարոկկացի դեսպանը «կարծես կորոնավիրուսի մասին լուրերից դուրս եկած լինի»:
