Թվերկ պարող Գլեն Քլոուզ, սիրախաղ Բրեդ Փիթի հետ և Օսկար 2021-ի մյուս վառ իրադարձությունները

ԹոփՇոուՆյուզ

Լոս Անջելեսում տեղի ունեցավ 93-րդ Օսկար մրցանակաբաշխությունը: Քլոի Չժաոյի ֆիլմը դարձավ բացարձակ հաղթող և ստացավ երեք արձանիկ՝ Լավագույն կինոնկար, Ռեժիսոր և Լավագույն դերասանուհի անվանակարգերում:

Երեկոն զուրկ չէր նաև պատմական իրադարձություններից. Քլոի Չժաոն դարձավ ասիական ծագմամբ առաջին կինը, ով ստացավ ռեժիսորի մրցանակ (Քեթրին Բիգելոուից հետո պատմության մեջ երկրորդ կինը), իսկ Էնթոնի Հոփքինսը դարձավ ամենատարեց դերասանը, ով շահեց դերասանական հիմնական անվանակարգը:

Արարողությունն ինքնին անցավ բավականին սահուն և նույնիսկ, կարելի է ասել, տեղ-տեղ ձանձրալի, չնայած որ այն զերծ չէր անակնկալներից. «Լավագույն կինոնկար» անվանակարգում հաղթողը հայտարարվեց լավագույն դերասաններից շուտ (այս առիթով նրանք սկսեցին կատակել, որ անվանակարգերի հերթականության համար Քրիստոֆեր Նոլանն է պատասխանատու եղել)։

Իսկ դե երեկոյի ընթացքում շոուն խամրեցրեց 74-ամյա Գլեն Քլոուզը, ով կատարեց թվերկ: Ինչպե՞ս դա պատահեց: Դերասանուհին մասնակցեց «Գուշակիր մեղեդին» մրցույթին. արարողության հյուրերին խնդրել են գուշակել երգը և ասել, արդյոք այն առաջադրվել է Օսկարի: Քլոուզը առաջին նոտաներից գուշակեց  «Experience Unlimited» խմբի Da Butt ստեղծագործությունը, որը հնչել էր Սփայկ Լիի «Դպրոցական տարիները հրաշալի են» ֆիլմում: Օսկարի ութակի հավակնորդը բուռն ծափահարությունների արժանացավ՝ չնայած կրկին առանց արձանիկի մնալուն:

Շատերը սոցիալական կայքերում կատակում են, որ Քլոուզը իր պարի համար Օսկար է ստացել «Լավագույն կարճամետրաժ ֆիլմ» անվանակարգում:

Դանիել Կալույան Օսկար ստացավ «Հուդա և սև մեսիա» ֆիլմում խաղալու համար՝ «Երկրորդ պլանի լավագույն դերասան» անվանակարգում, և բեմից շնորհակալություն հայտնեց ծնողներին սեքսով զբաղվելու և իրեն ունենալու համար:

Դե իսկ սոցցանցերն անմիջապես արձագանքեցին մեմով․

Արարողության կարևորագույն մասը դարձավ կորեացի դերասանուհի Յուն ՅոՋունի պարգևատրումը, ով Օսկար ստացավ «Երկրորդ պլանի լավագույն դերասանուհի» անվանակարգում «Մինարի» ֆիլմում խաղալու համար: Նա բարձրացավ բեմ և անմիջապես դիմեց Բրեդ Փիթին. ​​«Պարոն Բրեդ Փիթ, մենք վերջապես հանդիպեցինք: Ո՞ւր էիք, երբ մենք նկարահանումների էինք»: (Փիթը որպես պրոդյուս է հանդես եկել«Մինարի» ֆիլմում):

Ավելի ուշ լրագրողներից մեկը հարցրեց Յուն ՅոՋունին, թե ինչպիսի հոտ ունի Բրեդ Փիթը: Ինչին դերասանուհին փայլուն պատասխան տվեց. «Ես չեմ հոտոտել նրան: Չէ՞ որ ես շուն չեմ»:

Ինքը՝ Փիթը, չկարողացավ զսպել արցունքները, երբ հետևում էր առաջին կորեացի կնոջ ելույթին, որը «Օսկար» էր ստացել լավագույն երկրորդ պլանի դերասանուհու համար: Դերասանուհին ասել էր. «Ես չեմ հավատում մրցակցությանը: Մենք տարբեր ֆիլմերում հաղթող ենք, տարբեր դերեր ենք խաղացել, ուստի չենք կարող մրցել միմյանց հետ: Այսօր ես այստեղ եմ, քանի որ մի փոքր բախտավոր եմ, ձեզանից ավելի բախտավոր եմ»:

Կարմիր գորգի և հանդիսության այլ կարևորագույն պահերը.

Պարող Ալան Քիմը (Մինարի):

Ինչպես է Մադս Միքելսենը նշում դանիացի ռեժիսոր Թոմաս Ուինթերբերգի «Օսկար» մրցանակը՝ լավագույն օտարալեզու ֆիլմի համար:

Արարողության գլխավոր նորաձևության սիրահարը Լաքիտ Սթենֆիլդն է («Հուդան և սև մեսիան»):

Ռիզ Ահմեդը, ով շտկում է իր կնոջ ՝ գրող Ֆաթիմա Ֆարհին Միրզայի մազերը:

Պատրաստեց՝ Լուս Ավագյանը

Կարդացեք նաև

Դիտեք նաև