Հոնկոնգում հաջորդ շաբաթ Christie’s աճուրդի տունը վաճառքի կհանի 15,81 կարատանոց վարդագույն ադամանդ, որը ստացել է «Սակուրա» անվանումը ճապոնական բալենու ծաղկի գույնի նմանության համար:
Ինչպես ներկայացնում է CNN-ը, այն խոշորագույն մանուշակագույն-վարդագույն «անթերի» ադամանդն է, որը երբևէ հայտնել է աճուրդում: Թանկարժեք քարը կարող է վաճառվել 38 մլն դոլարով:
Քարը տեղադրվել է հասարակ պլատինե մատանու վրա և դասակարգվել որպես ներսից անթերի, ինչը նշանակում է, որ բծերը տեսանելի են միայն խոշորացույցի տակ:
Այն ունի վառ ինտենսիվ երանգ, որը հանդիպում է վարդագույն ադամանդների 4 տոկոսի մոտ միայն:
Քարի չափսը նույնպես յուրահատուկ է դարձնում այն, քանի որ վարդագույն ադամանդների մոտ 10 տոկոսն է կշռում ավելի քան կարատի մեկ հինգերորդը:
