AirMail-ը հաղորդում է, որ մի քանի կանայք 53-ամյա դերասան և երաժիշտ Ջարեդ Լետոյին մեղադրել են անպատշաճ վարքագծի, այդ թվում՝ սեռական ոտնձգությունների մեջ։
Անանուն մեղադրողը նշել է, որ դա «երկար ժամանակ գաղտնիք» է եղել՝ ակնարկելով, որ դերասանի վարքագիծը համակարգված է եղել։ Մեկ այլ կին ասել է, որ ինքը 16 տարեկան է եղել, երբ Լոս Անջելեսի սրճարանում հանդիպել է Լետոյի հետ, և նա խնդրել է իր հեռախոսահամարը։ Դրանից հետո, ըստ նրա, արտիստը գիշերները մի քանի անգամ զանգահարել է իրեն՝ անցնելով սեռական թեմաների. «Նա հարցնում էր, օրինակ՝ «Դուք երբևէ ընկեր ունեցե՞լ եք»։ Նրա ձայնն ու վարվելակերպը փոխվում էին, և դա վախեցնում էր ինձ»։
Մեկ այլ «զոհ»՝ մոդել Լորա Լա Ռյուն, ասել է, որ երբ 2008 թվականին, երբ ինքը 16 տարեկան էր, հանդիպել է Ջարեդին, նա հաճախ է հրավիրել իրեն իր տուն և սիրախաղ արել նրա հետ։ Նա ասել է, որ Լետոն մի անգամ սենյակ է մտել ամբողջովին մերկ։
Բացի այդ, այլ աղջիկներ ասել են, որ Լետոն կարողացել է փոխել իր վարքագիծը՝ բարեկամականից դառնալով պահանջկոտ։ Բոլոր մեղադրանքներից անկախ, Ջարեդ Լետոն հերքել է ցանկացած անպատշաճ գործողություն և մտադիր է պայքարել այդ պնդումների դեմ։ Ի դեպ, հրապարակմանը ի պատասխան՝ Լետոն կտրականապես հերքել է բոլոր մեղադրանքները, գրում է Us Weekly-ն։
