51-ամյա Լեոնարդո ԴիԿապրիոյին և նրա ընկերուհուն՝ 28-ամյա իտալացի թոփ-մոդել Վիտորիա Չերետիին, լուսանկարել են Հավայան կղզիների լողափերից մեկում հանգստանալիս։ Զույգն օրն անցկացրել է ափամերձ գոտում՝ լողալով օվկիանոսում և արևայրուք ընդունելով։
Հայտնիները կղզիներ են ժամանել ԴիԿապրիոյի մոտ ընկերոջ՝ դերասան Թոբի Մագուայրի նախկին կնոջ՝ Ջենիֆեր Մեյերի հարսանիքին մասնակցելու նպատակով։
ԴիԿապրիոն, որին համարում էին համաշխարհային գլխավոր սեքս-խորհրդանիշներից մեկը, տարիներ շարունակ մեդիադաշտում պահպանում է հոլիվուդյան «երդվյալ ամուրիի» և հեդոնիստի կարգավիճակը։ Ավելի քան քսան տարի դերասանը հանդիպել է բացառապես երիտասարդ թոփ-մոդելների և դերասանուհիների հետ, որոնց տարիքը չէր գերազանցում 25-ը։ Նրա նախկին ընկերուհիների թվում են եղել Ժիզել Բյունդխենը, Բար Ռաֆայելին, Բլեյք Լայվլին, Տոնի Գարնը և Կամիլա Մորոնեն։ Այս օրինաչափության պատճառով զանգվածային լրատվամիջոցներում ձևավորվել է կայուն մեմ՝ դերասանի «տարիքային սահմանափակման» վերաբերյալ։
