Այս տարի «ՀԱՅ ՖԵՍՏ»-ը կկայանա նոր ձևաչափով և նոր լուծումներով

Համավարակի պայմաններում 18-րդ «ՀԱՅ ՖԵՍՏ»-ը կկայանա հոկտեմբերի 1-8-ը՝ նոր ձևաչափով և նոր լուծումներով։ Առաջին անգամ փառատոնը կանցկացվի ոչ միայն Երևանում, այլև Գյումրիում, Վանաձորում և Դիլիջանում։
Փառատոնը կներկայանա երեք հիմնական ծրագրով:
«ՀԱՅ ՖԵՍՏ»-ի գլխավոր ու աննախադեպ անակնկալը կլինի այն, որ փառատոնը կհյուրընկալվի երևանյան տարբեր թաղամասերում․ «ՀԱՅ ՖԵՍՏԸ գալիս է ձեր տուն» խորագրով։ Նախատեսված են ներկայացում-ցուցադրություններ, որոնք տեսապատկերի միջոցով կարտացոլվեն բնակելի շենքերի պատերին, ինչը հնարավորություն կտա առանց տանից դուրս գալու (սեփական պատշգամբից) հետևել ներկայացումների ընթացքին։ Փառատոնի կազմակերպիչները հաշվի են առել հակահամաճարակային անվտանգության բոլոր կանոնները։

Գերհագեցած կլինեն փառատոնի առցանց հարթակները. կցուցադրվեն 5 բացառիկ աշխարհահռչակ ներկայացումներ․ ձեռք է բերվել մեկանգամյա ցուցադրության իրավունք։
Փառատոնի շրջանակում կանցկացվի թատերական մեծ համաժողով՝ «Ժամանակակից թատրոնը նոր մարտահրավերների առջև» թեմայով, որը կամուրջ կստեղծի աշխարհի տարբեր երկրներում գտնվող ճանաչված թատերական փառատոների տնօրենների, բեմադրիչների, թատերագետների միջև:
Կանցկացվեն նաև վարպետության դասեր։