Հոլիվուդյան աստղ, օսկարակիր դերասան Լեոնարդո ԴիԿապրիոն չի նկարահանվի «The Squid Game»-ի երկրորդ եթերաշրջանում։ Արտիստը բազմիցս ակնարկել է, որ հիացած է սերիալով։
Նշվում է, որ մեծ աղմուկ բարձրացրած սերիալը նախատեսվում է երկարաձգել նաև երրորդ սեզոնով։
Yonhap-ը, հղում անելով «The Squid Game»-ի ռեժիսոր Հվան Դոն Հյոկին, գրել է, որ ներկայում մշակվում է երկրորդ եթերաշրջանի սցենարը։
Իրադարձությունները կզարգանան Հարավային Կորեայում։ Ռեժիսորները որոշել են չհրավիրել հոլիվուդյան դերասանների։
Հվան Դոն Հյոկը գիտի Դի Կապրիոյի հետաքրքրվածության մասին։ «Եթե սերիալը երկարաձգվի երրորդ եթերաշրջանով, ապա իրադարձությունները կտեղափոխվեն այլ երկիր»,- նշել է կինոռեժիսորը՝ առանց ամերիկացի դերասանին կոնկրետ խոստումներ տալու։
Սերիալը և նրա գլխավոր դերակատարները ստացել են բազմաթիվ մրցանակներ, այդ թվում՝ Ամերիկյան կինոարվեստի ինստիտուտի հատուկ մրցանակը:
