Լուսանկարիչ Վիգեն Մնոյանի հեղինակած լուսանկարներով իր պորտֆոլիոն այս անգամ հարստացրել է դերասան Բաբկեն Չոբանյանը: Գրում է BRAVO.am-ը:
Լուսանկարահանման ընթացքում նրանք խոսել են այն դերերից, որոնք Չոբանյանը չի համաձայնի մարմնավորել: Պարզվում է՝ այդպիսիք չկան:
«Չկա դեր, որ վստահ ասեմ՝ երբեք չեմ խաղա: Ամեն ինչ կախված է ցանկությունից եւ նպատակահարմար համարելուց: Դրա համար տարբեր պատճառներ կան: Նախ՝ ինձ հետաքրքիր պիտի լինի, հետո՝ հասկանամ, որ կարեւոր է այն խաղալ: Եթե բոլոր չափանիշներն ընդունելի լինեն, կխաղամ, եթե չէ՝ ուրեմն՝ չէ: Չկա այնպիսի դեր, որը խաղալը տաբու է ինձ համար, ոչ էլ երազելի դեր ունեմ: Ապրում ես քո մասնագիտական կյանքը, այդ ճանապարհին ինչ էլ հանդիպի, շնորհակալ եղիր ու քո ուժերին ներածին չափով ազնիվ աշխատիր: Մնացածն արդեն արդյունքն է»,- խոստովանել է Չոբանյանը:
