Հայազգի օպերային երգչուհի Ռուզան Մանթաշյանը նախօրեին ելույթ է ունեցել Դրեզդենում անցկացվող The Semper Opera Ball փառատոնում: Նրա ելույթի տեսանյութը հրապարակել է Սաքսոնիայի հանրային հեռուստառադիոհեռարձակող ընկերությունը։
Ռուզան Մանթաշյանը կատարել է Պյոտր Չայկովսկու «Եվգենի Օնեգին» օպերայի Տատյանայի արիան:
Հիշեցնենք, որ հունվարին հաղորդվում էր, որ ադրբեջանցի տենոր Յուսիֆ Էյվազովը հրաժարվել է միևնույն բեմում ելույթ ունենալ հայազգի սոպրանոյի հետ, որից հետո նրա ելույթը փառատոնի ժամանակ հարցականի տակ էր դրվել։
Ադրբեջանցի տենորը ևս մասնակցել է փառատոնին:
