Ռեժիսոր Սարիկ Անդրեասյանը Մոսկվայի միջազգային կինոդպրոցի ուսանողների հետ Անդրեյ Տարկովսկու ֆիլմերի շուրջ վիճաբանությունից հետո ներողություն է խնդրել իր տոնի համար։ Նա Instagram-ի միջոցով դիմել է ուսանողներին, քոլեջի ղեկավարությանը և հետևորդներին։
Անդրեասյանը, սակայն, ներողություն խնդրելով ուսանողների հետ հաղորդակցվելու բնույթի համար, նաև փոխադարձ ներողություն է պահանջել իր հասցեին հնչած վիրավորական ու ծաղրական տոնի համար, որը հանդիպման ժամանակ անհանգստացրել էր ռեժիսորին։
«Երբ մենք մտանք դասարան, ուսանողներից մեկը ուսապարկից հանեց ձիու գլուխը, դրեց գլխին և լուսանկարվեց ինձ հետ։ «Ես վստահ չեմ, որ ուսանողների և ռեժիսորի հանդիպումներն այսպես պետք է ընթանան»,-գրել է նա։
Անդրեասյանը հրաժարվել է ներողություն խնդրել Տարկովսկու մասին իր կարծիքի համար.
«Ես չեմ սիրում Տարկովսկու ֆիլմերը, ինչպես նաև ատում եմ սոխը։ Գուցե հիմա սոխասերները հարձակվեն ինձ վրա վիրավորանքներով»,-«Գազետա ռու»-ի փոխանցմամբ, կատակել է նա։
Սարիկ Անդրեասյանը Տարկովսկուն անվանել է նաև «այլախոհ և հայրենիքի դավաճան» («Ստալկեր»-ի ռեժիսորն իր կյանքի վերջին տարիներն անցկացրել է Իտալիայում) և կասկածի տակ դրեց ժամանակակից կինոկրթության որակը։
«Իմ հասցեին ուղղված վիրավորանքներից բացի, իմ զայրույթն առաջացրել է այն, որ տասնամյակներ անց այս համակարգը շարունակում է ուսանողներին անհույս տանել դեպի անդունդ։ Ուզու՞մ եք, որ մեր ամբողջ կյանքն անցկացնենք բերաններս բաց ընկնելով համաշխարհային կինոյի հետևից: Եթե այո՝ շարունակեք սովորեցնել ուսանողներին կինոյի հնացած ձևերով»,- եզրափակել է նա:
Ռեժիսոր Սարիկ Անդրեասյանը Մոսկվայի միջազգային կինոդպրոցի ուսանողների համար դասախոսության ժամանակ հայտարարել է, որ ատում է Տարկովսկուն և հեղինակային ֆիլմերը, որոնց ռեժիսորներին համարում է «խեղճ, ավարտված, փսխող կինոգործիչներ»։
Աղբյուր` Panorama.am
