Կիանու Ռիվզը իր հոնորարների 70%-ը նվիրատվություն է արել, որը ստացել է իր առաջին՝ «Մատրիցա» ֆիլմի համար: Դերասանը որոշել է գումար նվիրաբերել լեյկեմիայի դեմ պայքարի հիմնադրամին. այս մասին հայտնում է Daily Mail-ը։
1999 թվականին հայտնի դարձավ, որ նրա կրտսեր քույրը՝ Քիմը, մոտ ութ տարի է, ինչ պայքարում է լեյկեմիայի դեմ: Կիանուն այն ժամանակ դարձավ աղջկա հիմնական խնամակալը և օգնեց նրան ապաքինվել: Ախտորոշումից 10 տարի անց Քիմի հիվանդությունը անցավ ռեմիսիայի:
Ընդհանուր առմամբ նա նվիրաբերել է 10 միլիոն դոլար, որի կեսը ծախսել է քրոջ վերականգնողական թերապիայի վրա: Այդ ժամանակվանից նա հիմնել է բարեգործական հիմնադրամ՝ օգնելու արյան քաղցկեղի դեմ պայքարողներին:
