Dior նորաձևության տունը քննադատության է ենթարկվել համացանցում այն բանից հետո, երբ լուրեր են տարածվել, որ գովազդային արշավներից մեկում պաղեստինցի մոդել Բելլա Հադիդին փոխարինել են իսրայելցի մոդել Մաի Թագերով: Բելլա Հադիդը Dior-ի դեմքն է 2016 թվականից։
Դրա պատճառը, ըստ թուրքական լրատվամիջոցների, Բելլայի հայտարարություններն են՝ ի պաշտպանություն Պաղեստինի, ինչի պատճառով էլ նա ենթարկվել է հետապնդումների։
Թեև պաշտոնական տեղեկություն չկա, որ Բելլա Հադիդն այլևս Dior-ի դեմքը չէ, համացանցն արդեն արձագանքել է այս լուրերին։ Բազմաթիվ զայրացած մեկնաբանություններ են հայտնվել X սոցիալական ցանցում (նախկինում՝ Twitter-ը), օգտատերերը կոչ են անում մարդկանց դադարեցնել ապրանքանիշի արտադրանքը գնելը:
«Վերջապես Dior-ը ցույց տվեց իր իրական գույները»,- գրում են օգտատերերը։
Բելլան ավելի վաղ մեկնաբանել էր Իսրայելի և Պաղեստինի միջև հակամարտությունը և նշել, որ իր ընտանիքը սպառնալիքների է ենթարկվել, սակայն դա չի խանգարի իրեն արտահայտել իր կարծիքը։
