Մադոննան մասնակցել է իտալական Dolce and Gabbana ապրանքանիշի երեկույթին Միլանի Նորաձևության շաբաթին։ Միջոցառման համար 66-ամյա երգչուհին ընտրել է ցանցավոր զուգագուլպա և կորսետ։ Երգչուհին իր տեսքն ամբողջացրել է սև թափանցիկ ձեռնոցներով և մորթյա թիկնոցով։
Տեսնելով կատարողի լուսանկարները՝ համացանցի օգտատերերը, մեղմ ասած, ապշել են։ Նրանցից շատերը նկատել են, որ աստղը տարիների ընթացքում միայն ավելի վատ տեսք ունի։
«Ես կցանկանայի, որ նա ցույց տա, թե ինչ է բնական ծերանալը: Դա կլինի համարձակ և ճշմարիտ: Նա չի կարող հավերժ այսպես շարունակել, և ես վախենում եմ պատկերացնել, թե ինչպիսի տեսք կունենա նա 10 տարի հետո»,- գրել է մեկը Daily Mail-ի մեկնաբանությունում:
Հիշենք, որ Մադոննան նախկինում վախեցրել էր երկրպագուներին իր նիհարած ձեռքերով ու տարօրինակ ակնոցներով։ Աստղին համեմատել են ճպուռի հետ։
