Շվեդիայի լիբերալ կուսակցության Եվրախորհրդարանի պատգամավոր Կարին Կարլսբրոն առաջարկել է արգելել Բելառուսին մասնակցել Եվրատեսիլ երգի մրցույթին: Այս մասին նշված է խորհրդարանի կայքում:
Նրա խոսքով՝ Եվրոպական հեռարձակողների միության (EBU) համար անընդունելի է համագործակցությունը Բելառուսի պետական հեռուստառադիոընկերության հետ, քանի որ նրա ղեկավար Իվան Էյսմոնտն արդեն գտնվում է ԵՄ պատժամիջոցների տակ: Նա մտադիր է նամակով դիմել EBU և այժմ դրա տակ ստորագրություններ է հավաքում:
Հայտարարության մեջ Կարլսբրոն գրում է, որ ընկերության ավելի քան 100 աշխատակիցներ արդեն հեռացվել են աշխատանքից, ոմանք գտնվում են բանտում:
Եվրատեսիլը մրցույթ է, որը կոչված է միավորել եվրոպական երկրները: Ըստ Կարլսբրոյի՝ պետական հեռուստաընկերությունը, որը հետապնդում է իր աշխատակիցներին և լրագրողներին, ինչպես նաև մտել է ԵՄ պատժամիջոցների ցուցակ, չի կարող մասնակցել մրցույթին:
