Անգլիայում կովերն ուշագնաց են եղել «Առաքելությունն անիրագործելի է 7» ֆիլմի նկարահանման ժամանակ: The Sun-ի տարածած լուրը ներկայացնում է «Газета.ru»-ն:
Նշվում է, որ միջադեպը տեղի է ունեցել «Լեյք թաղամաս» ազգային պարկի տարածքում, որտեղ նկարահանվում է ֆիլմը:
Ֆիլմի սյուժեի համաձայն՝ դրվագներից մեկում Իթան Հանթի դերը խաղացող դերասանը ստիպված է եղել վայրէջք կատարել պարաշյուտով: Թոմ Քրուզը չորս ցատկ է կատարել, որոնց ընթացքում նկարահանող խումբը միացրել է բարձր հաճախականությամբ ուլտրաձայնային աղմուկ արձակող սարքեր, որպեսզի երկնքում դերասանին պաշտպանի անօդաչու թռչող սարքերից:
Ըստ թերթի` ուլտրաձայնայնն այնքան ուժեղ է եղել, որ ազդել է շրջակայքում գտնվող կենդանիների, այդ թվում` մի քանի տասնյակ կովերի վրա և նրանք կորցրել են գիտակցությունը: Սարքավորումներն անջատելուց հետո կենդանիները ուշքի են եկել:
