«Մանկական Եվրատեսիլ 2021» երգի միջազգային մրցույթի հայաստանյան պատվիրակ Մալենայի մրցութային երգն ու տեսահոլովակը մրցույթի յութուբյան էջում հրապարակելուց հետո երեք օրերի ընթացքում արդեն ավելի քան 388 հազար դիտում ունի:
Տարբեր երկրներից օգտատերեր իրենց գրառումներում հայաստանյան պատվիրակի երգը համարում են ներկայացված կատարումներից ամենալավը.
«Շնորհակալություն Եվրատեսիլին՝ մեզ այս թագուհու հետ ծանոթացնելու համար»:
«Պետք է սովորել հայերեն այս գլուխգործոցը երգելու համար»:
«Եվրատեսիլի պատմության մեջ ամենալավ երգը»։
«Անհավանական հիանալի և մթնոլորտ ստեղծող երգ։ Ես իսկապես հույս ունեմ, որ Հայաստանը կհաղթի այս տարի։ Երևան-2022»:
«Հոլովակ, երգ, ձայն… շքեղ է: Սա հաղթող է, նա համաշխարհային աստղ է։ Կարելի է մրցույթ չանցկացնել: Նա մրցակիցներ չունի»:
«Հաղթանակի հույս ունեմ: Մալենա, դու հիասքանչ ես, շքեղ ձայնով, դու պետք է զբաղեցնես առաջին տեղը»:
«Սա գլուխգործոց է, անդադար լսում եմ: Նա է հաղթողը»:
Հարյուրից ավելի նմանատիպ գրառումներ են ուղեկցում Մալենայի տեսահոլովակը:
«Քամի քամի» երգի երաժշտության հեղինակն է Դավիթ Բադալյանը (tokionine), խոսքերի հեղինակներն են Վահրամ Պետրոսյանը, Դավիթ Բադալյանը, Մալենան և Դավիթ Ծերունյանը, երաժշտական պրոդյուսեր՝ Անուշիկ Տեր-Ղուկասյան։
Երգի տեսահոլովակի ռեժիսորն է Արթուր Մանուկյանը, օպերատորը՝ Արթուր Ղարայանը, հագուստի դիզայնը՝ Արամ Նիկոլյանի։
Հիշեցնենք որ «Մանկական Եվրատեսիլ 2021» երգի միջազգային մրցույթին մասնակցում է 19 երկիր։ Մրցույթը տեղի կունենա դեկտեմբերի 19-ին՝ Ֆրանսիայի մայրաքաղաք Փարիզում։