Ամերիկացի երգչուհի Մադոննան իր Instagram-ում լուսանկար է հրապարակել բոլոր երեխաների հետ շվեյցարական Ալպերում ամանորյա արձակուրդներից։
Սոցցանցում արված գրառման մեջ ամանորյա տոնակատարություններից բազմաթիվ այլ լուսանկարների շարքում եղել է ընտանիքի հետ խմբակային լուսանկարը։ Բացի երգչուհուց և նրա վեց երեխաներից, լուսանկարում ներառված են նաև ընտանիքի այլ անդամներ և այլ հայտնիներ, այդ թվում՝ նրա ընկերը՝ Ահլմալիկ Ուիլյամսը, և նրա դուստր Լուրդես Լեոնի ընկերը՝ Ջոնաթան Պուլիան:
«Ցտեսություն, Գշտադ (հանրահայտ լեռնադահուկային հանգստավայր գերմանախոս շվեյցարական Բեռն կանտոնում – խմբ.): Մենք երբեք չենք մոռանա ո՛չ ձեր սարերը, ո՛չ ձեր լուսնի լույսը»,- իր գրառումնը մեկնաբանել է Մադոննան՝ վերհիշելով իր եվրոպական արձակուրդները։
