Հայազգի գործարար Ալեքսիս Օհանյանի` կնոջը` թենիսիստ Սերենա Ուիլյամսին արած ադամանդե նվերը հայտնվել է ամենագեղեցիկ ու արտասովոր նշանադրության մատանիների ցանկում։ Այս ցանկը հրապարակել է իտալական «Grazia» ամսագիրը։
Ալեքսիսը 10 կարատ քաշով ադամանդով զարդարված մատանի է ընտրել, որի 2 կողմում ավելի փոքր քարեր են տեղադրված։
Ցանկում հայտնվել են նաև Մեգան Ֆոքսի, Էմիլի Ռատակովսկու, Քեթի Փերիի և Քեյթ Միդլթոնի մատանիները։
Ֆոսքի մատանին 18 կարատ քաշով սպիտակ ոսկուց է և վրան էլ երկու քար կա` զմրուխտ և ադամանդ։ Ռատակովսկիի մատանու վրա էլ 2 ադամանդ կա`կաթիլանման և ուղղանկյուն։ Քեթի Փերիի մատանին ծաղկի տեսք ունի, մեջտեղում փայլում է 4 կարատ քաշով վարդագույն ադամանդը, իսկ թերթիկներն էլ 8-ն են, ավելի քիչ քաշով։
Քեյթ Միդլթոնի մատանին, որ նվիրել է իր սիրեցյալը, պատկանել է վերջինիս մորը`արքայադուստր Դիանային։ Մատանու մեջտեղում մեծ սապֆիր է, որի կողքերին ադամանդներ են։
