Պավել Պրիլուչնիի հետ գաղտնի ամուսնության մեջ կասկածվող Զեփյուռ Բրուտյանը հասկացրել է, որ դերասանի հետ միայն աշխատանքային հարաբերություններ ունի:
Ավելի վաղ Telegram-ի ալիքներում տարածվել էին փաստաթղթերի լուսանկարներ, որոնցից ենթադրում էին, թե Պրիլուչնին և Բրուտյանն ամուսնացել են մայիսի 12-ին։ Դերասանները ոչ մի կերպ չմեկնաբանեցին բարձրացած ռեզոնանսը, բայց ամեն կերպ բորբոքեցին և թեժացրին իրենց սիրավեպի մասին լուրերը՝ պարբերաբար սոցիալական ցանցերում հրապարակելով համատեղ լուսանկարներ նույն ճանապարհորդությունից, որը հեշտությամբ կարելի էր շփոթել մեղրամսի հետ:
Սակայն, ըստ երևույթին, դա միայն գործուղում էր։ Նման եզրակացության են եկել համացանցի օգտատերերը Instagram-ում Զեփյուռի վերջին հրապարակումից հետո։
«Նկարահանումների վերջին օրն ավարտվեց, շնորհակալություն բոլորիդ։ Պավել Պրիլուչնին հիանալի գործընկեր է։ Հատուկ շնորհակալություն հետևորդներին»,- գրել է դերասանուհին ինստագրանմում՝ տեքստի վերջում ծիծաղող էմոջի դնելով։
Պրիլուչնին այս հաղորդագրությունը վերահրապարակել է իր միկրոբլոգում։
Դերասանի երկրպագուներին ի սկզբանե տարօրինակ է թվացել, որ նա այդքան հաճախ է Զեփյուռի հետ լուսանկարներով կիսվում սոցցանցերում ու պատմում, թե ինչպես են միասին ժամանակ անցկացնում։ Սովորաբար Պրիլուչնին թաքցնում է իր անձնական կյանքի մանրամասները հանրությունից։ Նա գրեթե չի մեկնաբանել ոչ Միրոսլավա Կարպովիչի հետ իր սիրավեպը, ոչ էլ Ագաթա Մուչենիչից ամուսնալուծությունը:
Բայց եթե անգամ Պրիլուչնին և Բրուտյանը պարզապես միմյանց գովազդում էին կամ էլ ուղղակի աղմուկ էին ցանկանում բարձրացնել նոր նախագծի շուրջ, ապա մնում է առեղծված, թե որտեղից են հայտնվել համացանցում ամուսնության փաստաթղթերը:
