Warner Bros. Pictures կինոստուդիան իր թվիթերյան էջում հրապարակել է Գրետա Գերվիգի «Բարբի» ֆիլմում Քենի դերում Ռայան Գոսլինգի առաջին լուսանկարը։ Հայտնի տիկնիկի մասին ֆիլմում նա նկարահանվում է Մարգո Ռոբիի հետ:
Ռոմանտիկ կատակերգությունում դերի համար Գոսլինգը ստիպված է եղել մազերը սպիտակ ներկել։ Լուսանկարում նա մերկ մարմնի վրա կրում է անթև ջինսե բաճկոն, իսկ ջինսե տաբատի տակից երևում է ներքնազգեստը՝ վրան Ken մակագրությամբ:
Ֆիլմի սցենարը հիմնված է Mattel ընկերության արտադրած Barbie խաղալիքների շարքի վրա։
Սպասվում է, որ ֆիլմի պրեմիերան կկայանա 2023 թվականին։