Մեծ Բրիտանիայի վարչապետ Բորիս Ջոնսոնը շաբաթ օրը կարծիք է հայտնել, որ 2023 թվականին Եվրատեսիլ երգի մրցույթը պետք է անցկացվի Ուկրաինայում։ Լուրը հայտնում է ՏԱՍՍ-ը
«Եվրատեսիլը հաղթեցին ուկրաինացիները: Ես գիտեմ, որ մենք ֆանտաստիկ ելույթ ունեցանք, մենք երկրորդն էինք, և ես կցանկանայի, որ մրցույթն անցկացվեր մեր երկրում: Բայց փաստն այն է, որ նրանք հաղթեցին և արժանի էին, որ Ուկրաինայում անցկացվի: Կարծում եմ, որ նրանք կարող են կազմակերպել մրցույթը, նրանք պետք է այն անցկացնեն: Կիևը կամ ցանկացած այլ անվտանգ ուկրաինական քաղաք կլինի ֆանտաստիկ վայր երգի մրցույթն անցկացնելու համար»,-Կիևից վերադառնալուց հետո լրագրողներին ասել է բրիտանական կառավարության ղեկավարը: Ուկրաինայում նա հանդիպել էր նախագահ Վլադիմիր Զելենսկուն:
Ուրբաթ օրը Եվրոպական հեռարձակողների միությունը (EBU) տեղեկացրեց, որ 2023 թվականին Եվրատեսիլ երգի մրցույթը չի անցկացվի Ուկրաինայում՝ մասնակիցների անվտանգության ապահովման դժվարությունների պատճառով, ուստի քննարկվում է այն Մեծ Բրիտանիայում անցկացնելու հնարավորությունը։ Այս կապակցությամբ EBU-ն բանակցություններ է սկսել BBC-ի բրիտանական հեռարձակման կորպորացիայի հետ՝ մրցույթը Միացյալ Թագավորությունում կազմակերպելու համար։ Ուկրաինայի մշակույթի նախարար Ալեքսանդր Տկաչենկոն իր հերթին ասել է, որ Կիևը համաձայն չէ EBU-ի եզրակացությունների հետ և կպահանջի վերանայել որոշումը։
