Երկուշաբթի օրը A$AP Rocky-ն (իսկական անունը՝ Ռաքիմ Մայերս) ներկայացել է Լոս Անջելեսի դատարանում տեղի ունեցած նախնական լսումներին: Նա մեղադրվում է ընկերոջ վրա կրակելու համար 2021 թվականին Հոլիվուդի հյուրանոցներից մեկում, հայտնում է NBC News-ը։
Վերադաս դատարանի դատավոր Մ. Լ. Վիլարը որոշել է, որ «տեսանյութերի ամբողջականությունը և վկաների ցուցմունքները» բավարար են կրակոցների գործով դատավարություն հաստատելու համար: Նա որոշումը կայացրել է նախնական դատական նիստում՝ շուրջ մեկուկես օր ցուցմունքներ լսելուց հետո:
Հիմնական ցուցմունքը Ռաքիմի մանկության ընկերոջ՝ A$AP Relli-ի (իսկական անունը Թերել Էֆրոն) վկայությունն էր։ Լսումների առաջին օրը, որը վերսկսվել է երկուշաբթի, երկար ընդմիջումից հետո, Թերել Էֆրոնն ասել է, որ ինքը և Rocky-ն, մանկուց ընկերներ, երաժիշտների և արվեստագետների միևնույն խմբի մաս էին կազմում իրենց Նյու Յորքի ավագ դպրոցում, բայց ժամանակի ընթացքում նրանց հարաբերությունները սկսեցին վատթարանալ, ինչն ի վերջո հանգեցրեց միջադեպին:
2021 թվականի նոյեմբերի 6-ին ընկերների միջև վիճաբանություն է տեղի ունեցել. «Թեժ քննարկման ժամանակ» 35-ամյա A$AP Rocky-ն, իբր, ատրճանակը ուղղել է Էֆրոնի վրա և կրակոց արձակել՝ կրակելով ընկերոջ ծնկներին:
Գրեմմիի կրկնակի հավակնորդը, ով երգչուհի Ռիհաննայի հետ ունի երկու որդի, իրեն մեղավոր չի ճանաչել կիսաավտոմատ հրազենով հարձակման համար:
Ռեփերը դատարան է եկել կոստյումով, արևային ակնոցով և դեմքի դիմակով հանգստյան օրերն անցկացնելուց հետո Ֆորմուլա 1 ավտոմրցարշավում և Puma x Formula 1 հավաքածուի շնորհանդեսից հետո, որի կրեատիվ տնօրենն է։
«Մենք հիասթափված կամ զարմացած չենք, մենք ակնկալում էինք, որ դա տեղի կունենա, մենք դրա համար պատրաստվում էինք այս ամբողջ ընթացքում», – դատավարությունից հետո լրագրողներին ասել է ռեփերի փաստաբան Ջո Տակոպինան: «Ռոքին արդարացված կլինի, երբ ամեն ինչ ասվի ու արվի, անկասկած»:
