Վրացի ռեժիսոր Նանա Ջորջաձեի «Ճագարների թաթը» ֆիլմի ռուսական էկրաններին հայտնվելու նախաշեմին դերասան Պիեռ Ռիշարն «Իզվեստիա» հրատարակչության հետ խոսել է իր և դերասանի մասնագիտության մասին:
Մասնավորապես, նա խոստովանել է, որ ստիպված է եղել ինքն իրեն ամպլուա հորինել այն պատճառով, որ արտաքինը նրան թույլ չի տվել խաղալ սիրեկաններ-հերոսներին։ Ի պատասխան այն հարցին, թե ում է նա տեսնում իդեալական սիրեկան հերոս, Պիեռ Ռիշարը հիշել է Ալեն Դելոնի մասին։ «Երիտասարդության տարիներին, իհարկե, Ալեն Դելոնն իր հրեշտակային արտաքինով։ Ինքնին կատարելություն։ Ավելի գեղեցիկ մարդ ես երբեք կյանքում չեմ տեսել։ Ոչ, ես չեմ ափսոսում, որ ճակատագիրն ինձ չի պարգևատրել նրա տվյալներով։ Ես ունեի իմ գաղտնի զենքը։ Ես կանանց նվաճում էի նրանով, որ կարողանում էի նրանց ծիծաղեցնել»,- ասել է 86-ամյա Ռիշարը։
Ալեն Դելոնը 2020 թվականի նոյեմբերին դարձավ 85 տարեկան։ Եվ նա, և Ռիշարը շարունակում են նկարահանվել կինոյում։
