Ջեյմս Բոնդի մասին պատմող «Մահանալու ժամանակ չկա» ֆիլմի հեղինակները նոր պաստառներ են հրապարակել՝ ժապավենի հերոսների մասնակցությամբ: Корреспондент-ի փոխանցմամբ՝ պաստառների լուսանկարները հրապարակվել են ֆիլմին նվիրված 007.com պաշտոնական էջում:
Պաստառներում պատկերված են Ջեֆրի Ռայթը՝ Ֆելիքս Լեյթերի կերպարում, Ռորի Քինները՝ Բիլ Թանների կերպարում, Նաոմի Հարիսը՝ Իվ Մանիփենիի դերում և ուրիշներ:
Ջեյմս Բոնդի մասին պատմող նոր ֆիլմում 007 գործակալին կրկին կմարմնավորի Դենիել Քրեյգը: Ըստ սյուժեի՝ Բոնդը թոշակի է անցնում և բնակություն է հաստատում Ճամայկայում: Սակայն նրան չի հաջողվում հանգստանալ: ԿՀՎ-ից իր հին ընկերներից մեկը՝ Ֆելիքս Լեյթերը, խնդրում է նրան վերադառնալ աշխատանքի: Պատճառը գիտնականի առևանգումն է:
