Keeping Up With the Kardashians իրապատում շոուի հայազգի աստղ Քիմ Քարդաշյանն ինստագրամյան էջում իրեն պատկանող KKW Beauty ապրանքանիշի նոր ֆոտոշարքից լուսանկարներ է հրապարակել, հայտնում է բրիտանական Daily Mail պարբերականը:
Ավելի վաղ տեղեկացրել էինք, որ հեռուստաաստղը հրապարակել է հավաքածուի ֆոտոշարքից մի հատված: Այժմ հանրայնացվել է ֆոտոշարքի լուսանկարների երկրորդ մասը, որը ներկայացնում է նոր Matte Mauve & Matte Honey Collection հավաքածույի մեղրային տեսականին:
Նոր հավաքածուն վաճառքի կհանվի փետրվարի 12-ին՝ բացառապես kkwbeauty.com կայքում:
Նկարներին կից Քարդաշյանը գրել է. «Հավաքածուն ներառում է բոլորովին նոր երկու ներկապնակ` բաղկացած 10 երանգից, 4 վրձին, 6 անփայլ շրթներկ, 6 շուրթերն ընդգծող մատիտ՝ բոլորն էլ անփայլ երանգներով»:
Քարդաշյանը հավելել է, որ հպարտանում է KKW Beauty ապրանքանիշի գրանցած հաջողությամբ:
Ինչպես ավելի վաղ հայտնել էինք ներկայում Քիմ Քարդաշյանը փորձում է ամուսնալուծության այնպիսի լուծում գտնել, որը լավագույնը կլինի ընտանիքի անդամների համար: Ամուսնալուծության հարցով Քիմ Քարդաշյանի փաստաբանական խումբը գլխավորում է հայտնի փաստաբան Լորա Ուասսերը:
Հիշեցնենք որ, Քիմ Քարդաշյանն ու ռեփեր Քանյե Ուեսթ ամուսնացել են 2013 թվականին և ունեն 4 երեխա, սակայն անցյալ ամիս Քարդաշյանը հայտարարել է ամուսնալուծության մասին: