Keeping Up With the Kardashians իրապատում շոուի հայազգի աստղ Քիմ Քարդաշյանն իր ինստագրամյան էջում KKW Fragrance ապրանքանիշի նոր ֆոտոշարքից լուսանկարներ է հրապարակել և տեղեկացրել նոր արտադրանքի մասին, հայտնում է բրիտանական Daily Mail պարբերականը:
KKW Fragrance , KKW Beauty և SKIMS ապրանքանիշերի 40–ամյա հիմնադիրը և նրա 25-ամյա մոդել քույրը ներկայացրել են օծանելիքի նոր հավաքածու, որը կոչվում է Kendell J և վաճառքի կհանվի մարտի 25–ին։
Լուսանկարներում, որոնք հրապարակել է հեռուստաաստղը, քույրերը «անապատի թագուհիների» տեսք ունեն՝ երկու սև ձիերի կողքին։ Քույրերը կրում են միանման հագուստ, որը բաղկացած է բեժ թավշե տաբատից, կաշվե կորսետներից և երկարաճիտ կոշիկներից։ Նրանց տեսքը համալրված է կաշվե ձեռնոցներով, արձակված ալիքավոր վարսերով և շագանակագույն դիմահարդարմամբ։ Նկարների մյուս մասում քույրեը ներկայացել են սև կաշվե հագուստով։
Քիմ Քարդաշյանը նշել է, որ նոր հավաքածուն «շատ տարբեր է այն ամենից, ինչ մինչ այժմ արել են»:
«Kendell J-ն շատ տարբերվող բույր ունի»,– ասել է Քարդաշյանը։
Օծանելիքի հավաքածուն ներառում է երեք բույր։