«Եվրատեսիլ» երգի մրցույթի կազմակերպիչները հայտարարել էին, որ բելառուսական «Я научу тебя» երգը չի կարող մասնակցել մրցույթին, քանի որ այն «կասկածի տակ է դնում մրցույթի ոչ քաղաքական բնույթը»:
Այն բանից հետո, երբ մրցույթի կազմակերպիչներն արգելել են նրանց նախորդ կոմպոզիցիան, խումբը, որը պետք է ներկայացներ Բելառուսը «Եվրատեսիլում», երկու նոր երգ է ներկայացրել։
Խմբի անդամ Դմիտրի Բուտակովը պատմել է, որ արգելքից հետո իրենց զանգահարել են և հետաքրքրվել, թե արդյոք խումբը պատրաստ է ևս մեկ երգ ներկայացնել:
«Այո, խնդիր չկա, մենք շաբաթը երկու երգ ենք գրում», – ասել է Բուտակովը։
Նա հստակեցրել է, որ երաժշտական կոլեկտիվն արդեն երկու նոր ստեղծագործություն է ուղարկել «Եվրատեսիլի»կազմակերպիչներին։ Նրա կարծիքով, երկու երգերից մեկը պետք է թույլատրվի եւ խումբը կկարողանա մասնակցել մրցույթին։
