Keeping Up With the Kardashians իրապատում շոուի աստղ Քայլի Ջեներին նկատել են Մայամիում դստեր հոր՝ ռեփեր Թրեվիս Սքոթի ծննդյան տարեդարձին, գրում է բրիտանական Daily Mail պարբերականը՝ հրապարակելով պապարացիների կողմից արված լուսանկարները։ 23-ամյա աստղը նույնպես լուսանկարներ է հրապարակել երեկոյից։
Հայնի է, որ Քայլին մեկնել է Մայամի Թրեվիս Սքոթի ծննդյան խնջույքին մասնակցելու նպատակով և մինչև LIV գիշերային ակումբում երեկույթի գնալը Kylie Cosmetics-ի հիմնադիրն ու սեփականատերը ասիական ռեստորանում ընթրել է նախկին սիրելիի հետ։ Ընթրիքի ընթացքում Քայլին կրել է Jean Paul Gaultier-ի երկար նեղ զգեստ՝ այն համադրելով ապարանջանով և Hermes ապրանքանիշի վարդագույն փոքր պայուսակով։
Ծննդյան երեկոյի ընթացքում նախկին զույգին նկատել են սիրախաղ անելիս և նույիսկ Քայլին այդ պահերից հրապարակումներ է արել։
Daily Mail-ը նշել է, որ 3-ամյա Սթորմիի ծնողների նման հարաբերությունները զարմանալի չեն, քանի որ 2019 թվականի սեպտեմբերին տեղի ունեցած բաժանումից հետո նրանք շարունակել են ընկերներ մնալ։
Հիշեցնենք, որ Քայլի Ջեները և Թրեվիս Սքոթը բաժանվել են 2019 թվականին՝ երկու տարի համատեղ կյանքից հետո։ E!News-ը՝ վկայակոչելով իր աղբյուրը նշել էր, որ զույգը պաշտոնապես վերջ չի տվել հարաբերություններին, սակայն առժամանակ բաժանվել է՝ հաճախակի դարձած վիճաբանությունների պատճառով։
Զույգը սկսել էր հանդիպել 2017 թվականին, և շաբաթներ անց հայտարարել Քայլիի հղիության մասին:
