Քեմբրիջի դքսուհի Քեյթ Միդլթոնը ցանկացել է իր ամուսնուն՝ Մեծ Բրիտանիայի արքայազն Ուիլյամին, «Սարդ մարդ» դարձնել: Այս գաղափարը նրան ոգեշնչել է մարտարվեստների ուսուցիչ Ջեյսոն Բեյրդին, որը ձգտել է աջակցել և զվարճացնել երեխաներին ու դեռահասներին կորոնավիրուսային համավարակի ժամանակ, գրում է Metro-ն:
Նշվում է, որ նման միջոցառումներից մեկի ժամանակ Բեյրդիին լուսանկարել են օդում սավառնելիս, որի ժամանակ երեխաները հետևել են նրա ակրոբատիկ հնարքներին: Միդլթոնն այս կադրն ընդգրկել է իր Hold Still (Անշարժ մնա՛) ցուցահանդեսի համար նախատեսված 100 լուսանկարի շարքում և համանուն գրքում:
Քեմբրիջի դքսուհին անձամբ կապ է հաստատել Բեյրդիի հետ և շնորհակալություն է հայտնել նրան իրեն ուղարկված լուսանկարի համար: Նա նշել է, որ իր հավաքածուի մեջ կան այլ «իսկապես հուզիչ ու շատ տխուր լուսանկարներ ու պատմություններ»:
Միդլթոնը նաև շեշտել է, որ համավարակի ընթացքում «Սարդ մարդու» հանդերձանքները հատկապես հայտնի են դարձել: Քեմբրիջի դքսուհին որոշել է այս միտումը պահպանել Քենսինգթոնյան պալատում, որտեղ Քեմբրիջի դքսերն ապրում են իրենց երեխաների հետ:
«Գուցե անհրաժեշտ լինի Ուիլյամի համար կոստյում գնել ու տեսնել … Ցավոք, վստահ չեմ, որ նրան այն «թռիչքի թույլտվությունը» կտրվի, որը Դուք արդեն ունեք»,- կատակել է Միդլթոնը:
