«Несчастный случай» խմբի լիդեր Ալեքսեյ Կորտնևը կորոնավիրուսի համավարակի պատճառով բախվել է ֆինանսական խնդիրների, ինչի հետևանքով ստիպված է եղել վաճառել բնակարաններից մեկը, գրում է «Սոբեսեդնիկ»-ը։
Պարբերականի հաղորդմամբ՝ նախքան համավարակի սկսվելն արտիստը հիփոթեքով բնակարան է գնել և պարբերաբար կատարել վճարները։ Սակայն COVID-19-ի տարածման սպառնալիքի պատճառով խումբը վեց ամիս ելույթ չի ունեցել, երաժիշտները մնացել են առանց գումարի։ Համերգների բացակայության պատճառով Կորտնևը չի կարողացել վճարել վարկը։ Նա այն մարել է մեկ այլ բնակարանի վաճառքի միոջոցով։
«Ես վաճառեցի մեկ այլ բնակարան, որը ժամանակին գնել եմ սև օրվա համար»,- ասել է Կորտնևը։
Արտիստը նշել է, որ այդ քայլն իրեն փրկել է բանկին ունեցած պարտքից։ Նա նաև տարակուսանք է հայտնել, թե ինչու բանկերը փոխառուների համար բարդ ժամանակներում չեն իջեցրել հիփոթեքների դրույքները, քանի որ շատ մարդիկ զրկվել են գումարից։
