Keeping Up With the Kardashians իրապատում շոուի աստղ Քայլի Ջեններին պատկանող Kylie Cosmetics ապրանքանիշը «վերաթողարկվում» է. Քայլի Ջեններն Instagram-ում նոր լուսանկար է հրապարակել՝ ներկայացնելով ապրանքանիշի ռեբրենդինգի ենթարկված հավաքածուն, հայտնում է Daily Mail-ը և հավելում, որ հավաքածուն վաճառքի համար հասանելի կլինի հուլիսի 15-ից։
«Նոր Kylie Cosmetics-ը հասանելի կլինի հուլիսի 15-ից՝ KylieCosmetics.com կայքում․․․ Չեմ համբերում, թե երբ եք փորձելու այն»,- գրված է ապրանքանիշի պաշտոնական էջում հրապարակված լուսանկարներին կից։
Ռեբրենդինգից հետո ապրանքանիշի արտադրանքները բոլորովին նոր բանաձևերով են արտադրվում, որոնք ավելի անվնաս են մեր մոլորակի համար։
People ամսագրին հեռուստաաստղն ասել է, որ հպարտ է նոր բանաձևերով արտադրված կոսմետիկ միջոցների համար, որոնք ավելի մաքուր են և բուսական ծագման։